काठमाडौं । बागमती प्रदेश सरकारले औद्योगिक ग्राम घोषणा तथा भौतिक पूर्वधार निर्माण गर्ने भएको छ ।
सरकारको उद्योग, पर्यटन, वन तथा वातावरण मन्त्रालयको आर्थिक वर्ष २०७६/०७७ को वार्षिक स्वीकृत कार्यक्रम अन्तर्गत उद्योग ग्राम घोषणा तथा भौतिक निर्माण गर्ने भएको हो ।
एक सूचना जारी गर्दै स्थानीय तहभित्र उद्योग ग्राम स्थापना हुन सक्ने स्थान छनौट गरि मन्त्रालयमा विवरण पठाउन अनुरोध गरेको छ ।
मन्त्रालयका अनुसार औद्योगिक ग्राम घोषणा तथा सञ्चालन सम्वन्धी कार्यविधि, २०७५ को अनुसूचि १ बमोजिमको परीक्षण सूचि भरी उल्लेखित कागजात मन्त्रालयको ईमेल ठेगानामा [email protected] मा पठाउन सकिने जनाएको छ ।
वि.सं.२०७६ माघ २० सोमवार ०९:०० मा प्रकाशित