काठमाडौं । प्रभु बैंक र नेपाल क्रेडिट एन्ड कमर्श (एनसीसी) बैंकको मर्जर रोकिएको छ । सेयर आदनप्रदान अनुपात (स्वाप रेसियो) मा कुरा नमिल्दा बैंकबीचको मर्जर रोकिएको छ ।
यसैगरी एनसीसीका ६ जना उच्च तहका कर्मचारी व्यवस्थापनमा पनि कुरा मिल्न नसक्दा मर्जरमा जान सहमति हुन नसकेको हो । एनसीसीले समान हैसियतमा मर्जरमा जाने प्रस्ताव प्रभुलाई गरेको छ ।
प्रभुले १००ः९० अनुपातमा जाने प्रस्ताव गरेको छ । स्वाप रेसियोमा कुरा मिल्न बाँकी रहेको एनसीसी स्रोतले बतायो । दुई बैंकबीच मर्जरको कुरा भएकाले सहमति हुन केही समय लाग्ने स्रोतको भनाई छ । मर्जरमा जाने प्रक्रिया धेरै अघि बढेको स्रोतले जानकारी दियो ।
एनसीसीमा प्रमुख कार्यकारी अधिकृत (सीईओ) पछि ३ जना डेपुटी सीईओ, २ उपमहाप्रवन्धक र १ जना सहायक महाप्रवन्धक छन । यस्तै प्रभुमा सीईओपछि चिफ विजनेस अफिसर पद भएकाले एनसीसीका ६ जना उच्च अधिकारीलाई समायोजन गर्न समस्या देखिएको छ ।
यद्यपी दुई बैंकबीच मर्जरमा जानका लागि वार्ता भइरहेको स्रोतको भनाई छ ।अधिकाँश विषयमा कुरा मिलिसके पनि स्वाप रेसियो र एनसीसीको उच्च तहका कर्मचारी व्यवस्थापनमा सहमति हुन बाँकी छ ।
मर्जरपछि एकिृकत बैंकको नामा प्रभु हुने, अध्यक्ष देविप्रकाश भट्टचन र सीईओ अशोक शेरचन हुने सहमति भएको छ ।
प्रभु र एनसीसी दुबै बैंकले मर्जरमा जानका लागि साधारणसभाबाट प्रस्ताव पारित गरिसकेका छन ।
वि.सं.२०७६ माघ २० सोमवार १२:४९ मा प्रकाशित