काठमाडौं । सोमवार नेप्से कारोबार भएको दोस्रो घण्टामा ३ दशमलव ६२ अंकले बढेर १ हजार ३५० दशमलव २६ विन्दुमा पुगेको छ ।
१ हजार ३४७ दशमलव ८४ विन्दुबाट शुरु भएको परिसूचक कारोबारकोे यस अवधिमा शून्य दशमलव २७ प्रतिशत बढेको हो ।
यस अवधिसम्म कारोबारमा आएका १२ समूहको परिसूचकमध्ये ६ समूहको परिसूचक बढेको छ भने बाँकी ६ समूहको परिसूचक घटेको छ । दोस्रो घण्टाको कारोबारमा १६७ ओटा कम्पनीको रू. ७५ करोड ३५ लाख बराबरको शेयर कारोबार भएको छ ।
यस अवधिमा प्रभु बैंककोे सर्वाधिक कारोबार भएको छ । उक्त बैंकको रू. ३ करोड २९ लाख बराबरको शेयर कारोबार भएको छ । सो समयमा बैंकको शेयर मूल्य रू. २५९ मा कारोबार भइरहेको छ ।
कारोबार रकमकै आधारमा दोस्रोमा नेको इन्स्योरेन्सको रू. ३ करोड २२ लाख बराबरको शेयर कारोबार भएको छ । सो समयमा कम्पनीको शेयर मूल्य रू. ५५७ रहेको छ ।
वि.सं.२०७६ माघ २० सोमवार १३:०५ मा प्रकाशित