प्रभु बैंकको बढ्यो नाफा : १ अर्ब बढीको लाभांश वितरण गर्न सक्ने, यस्तो छ वित्तीय अवस्था

काठमाडौं । चालु आर्थिक वर्षको दोस्रो त्रैमाशमा प्रभु बैंकको नाफा बढेको छ । ६ महिनामा प्रभुले १ अर्ब ८ करोड ५७ लाख रुपैयाँ खुदनाफा गरेको छ ।

अघिल्लो वर्षको सोही अवधिमा प्रभुले १ अर्ब ४ करोड १८ लाख रुपैयाँ नाफा गरेको थियो । गत आर्थिक वर्षको तुलनामा यो वर्ष बैंकले ४ करोड रुपैयाँ मात्र नाफा बढाएको छ ।

६ महिनामा गरेको नाफाबाट बैंकले सेयरधनीलाई १ अर्ब ३ करोड ३० लाख रुपैयाँ लाभांश वितरण गर्न सक्ने छ । बैंकको प्रतिसेयर आम्दानी २२ रुपैयाँ १२ पैसा छ ।

६ महिनामा बैकले २ अर्ब ४५ करोड ७१ लाख रुपैयाँ खुदब्याज आम्दानी गरेको छ । अघिल्लो वर्षको सोही अवधिमा बैंकले २ अर्ब १५ करोड ३० लाख रुपैयाँ ब्याज आम्दानी गरेको थियो ।

समीक्षा अवधिमा बैंकको निष्क्रिय कर्जा अनुपात बढेर ३.१२ प्रतिशत पुगेको छ । गत वर्षको सोही अवधिमा बैंकको यस्तो कर्जा २.४७ प्रतिशत थियो ।

बैंकको निक्षेप लागत ६.२९, सीसीडी ७४.७०, आधारदर ९.४५ र स्प्रेडदर ४.८३ प्रतिशत छ । सञ्चित कोषमा ३ अर्ब ८५ करोड रुपैयाँ छ । बैंकले १ खर्ब १५ अर्ब ५० करोड निक्षेप परिचालन गरी ९४ अर्ब ७१ करोड रुपैयाँ कर्जा प्रवाह गरेको छ।

२०७६ माघ २१ गते ०८:३४ मा प्रकाशित

You can share this post!

नेपाल इन्भेष्टमेन्ट बैंकको कृषि कर्जा योजना, वार्षिक १०.५० प्रतिशत ब्याजदर

यसरी भत्काइयो हेटौँडाका १० अवैध बालुवा प्रशोधन केन्द्र

Related posts