काठमाडौं । साताको अन्तिम कारोबारको दिन बिहीवार नेप्से कारोबार भएको पहिलो घण्टामा ४ दशमलव २४ अंकले बढेर १ हजार ३४६ दशमलव ६० विन्दुमा पुगेको छ ।
१ हजार ३४१ दशमलव २३ विन्दुबाट शुरु भएको परिसूचक कारोबारकोे यस अवधिमा शून्य दशमलव ३२ प्रतिशत बढेको हो ।
यस अवधिसम्म कारोबारमा आएका ११ समूहको परिसूचकमध्ये जलविद्युत र वित्त समूहको परिसूचक बाहेक बाँकी ९ समूहको परिसूचक बढेको छ । पहिलो घण्टाको कारोबारमा १३१ ओटा कम्पनीको रू. १७ करोड ५० लाख बराबरको शेयर कारोबार भएको छ ।
यस अवधिमा गुराँस लाइफ इन्स्योरेन्सकोे सर्वाधिक कारोबार भएको छ । उक्त कम्पनीको रू. १ करोड ५९ लाख बराबरको शेयर कारोबार भएको छ । सो समयमा कम्पनीको शेयर मूल्य रू. ७८१ मा कारोबार भइरहेको छ ।
कारोबार रकमकै आधारमा दोस्रोमा नागरीक लगानी कोषको रू. १ करोड २८ लाख बराबरको शेयर कारोबार भएको छ । सो समयमा कम्पनीको शेयर मूल्य रू. २ हजार ५१९ रहेको छ ।
वि.सं.२०७६ माघ २३ बिहीवार १२:०४ मा प्रकाशित