हालसम्मकै ठुलो आईपिओ जारी गर्न लागेको इन्फ्रास्ट्रक्चर बैंकको नाफा कति ? यस्तो छ वित्तीय विवरण

काठमाडौं । नेपाल इन्फ्रास्ट्रक्चर बैंकले यस आर्थिक वर्षको दोस्रो त्रैमासमा रू.४० करोड २७ लाख ४४ हजार खुद नाफा गरेको छ । पहिलो त्रैमासमा उक्त कम्पनीले रू.२० करोड ५६ लाख ७ हजार खुद नाफा गरेको थियो ।

पहिलो त्रैमासको तुलनामा कम्पनीको नाफा दोस्रो त्रैमासमा ९५ दशमलव ८८ प्रतिशत बढी हो । दोस्रो त्रैमासमा कम्पनीको पहिलो त्रैमासको भन्दा जगेडा कोष रकम ३० दशमलव ५० प्रतिशत बढी रू.१ अर्ब २९ करोड ८० लाख २९ हजार कायम भएको छ ।

कम्पनीले रू.२५ करोड निक्षेप संकलन गरेको छ भने रू.५८ करोड २६ लाख ९४ हजार कर्जा प्रवाह गरेको छ । कम्पनीको कर्जा प्रवाह पहिलो त्रैमासको तुलनामा ५९० प्रतिशत वृद्धि भएको छ ।

कम्पनीले पहिलो त्रैमासमा रू.३१ करोड २४ लाख ५९ हजार खुद ब्याज आम्दानी गरेकोमा दोस्रो त्रैमासमा रू.६१ करोड ७१ लाख ३४ हजार गरेको छ । गत त्रैमासभन्दा यस त्रैमासमा कम्पनीको खुद ब्याज आम्दानी ९७ दशमलव ४५ प्रतिशत बढेको छ ।

सर्वसाधारणका लागि रू.८ अर्ब बराबरको आईपीओ जारी गर्न लागेको यस कम्पनीको चुक्तापूँजी रू.१२ अर्ब रहेको छ ।
आईपीओ जारी गर्ने प्रस्ताव कम्पनीले गत मंसिर २९ गते साधारण सभा सम्पन्न गरी पारित गरिसकेको छ ।

सर्वसाधारणको स्वामित्व ४० प्रतिशत कायम गर्ने गरी कम्पनीले आईपीओ जारी गर्न लागेको हो । आईपीओ पश्चात कम्पनीको चुक्तापूँजी रू.२० अर्ब पुग्नेछ ।

२०७६ माघ २३ गते १८:४० मा प्रकाशित

You can share this post!

भर्खरै आयो लिखित परीक्षाको नतिजा, को–को भए उत्तीर्ण ? (नामावलीसहित)

लोकसेवाले भर्खरै फेरि प्रकाशन गर्यो लिखित नतिजा, क–कसको निस्कियो नाम ?

Related posts