विविध सुविधायुक्त विशेषताका साथ एनआइसी एशिया बैंकले सार्वजनिक गर्यो नयाँ वेबसाइट

काठमाडौं । एनआईसी एसिया बैंकले विविध सुविधायुक्त विशेषताका साथ बैंककोे नयाँ वेबसाइट सार्वजनिक गरेको छ ।

आकर्षक शैलीको आवरण भएको नयाँ वेबसाइटमा बैंकको सेवा सुविधाकोे विवरण हेर्न चाहनेका लागि अन्तरक्रियात्मक शैलीमा जानकारी प्रस्तुत गर्नुको साथै बैंकले नेपाली भाषामा समेत उपलब्ध गराएको हो ।

बैंकको नयाँ वेबसाइट  लिंक www.nicasiabank.com मा क्लिक गरेर जान सकिन्छ । ग्राहकले नेपाली भाषामा बैंकका सूचना वेबसाइटबाट प्राप्त गर्न सक्नेछन् । गुगल म्यापलाई समेत संलग्न गरिएकाले उक्त वेबसाइटबाट सजिलै बैंकको शाखा, एक्स्टेन्सन काउन्टर, एटीएम रहेको स्थान पत्ता लगाउन सकिनेछ ।

साथै बैंकको कार्ड तथा मोबाइल बैंकिङ प्रयोग गरी भुक्तानी गर्दा छुट प्राप्त गर्न सकिने पसल तथा व्यवसायीको स्थानको पहिचानसमेत गर्न सकिन्छ । वेबसाइटलाई मोबाइलबाट पनि चलाउन मिल्ने गरी डिजाइन गरिएकोले बैंकले जनाएको छ ।

साथै, वेबसाइटबाटै खाता खोल्न मिल्ने सुविधाका साथ बैंकसम्बन्धी विविध जानकारी तथा सहयोगका लागि चौबीसै घण्टा ‘साथी’ च्याटबट वेबसाइटमै उपलब्ध छ ।

वेबसाइटमा प्रयोगकर्ताको रुचिअनुसार बैंकले उपलब्ध गराउने विभिन्न सुविधा तथा जानकारी प्रयोगकर्ताको वेब–ब्राउजरमा स्वचालित सूचनामार्फत् पठाउन सकिने प्रविधिको समेत प्रयोग गरिएको छ ।

२०७६ माघ २३ गते २०:१७ मा प्रकाशित

You can share this post!

लोकसेवाले भर्खरै फेरि प्रकाशन गर्यो लिखित नतिजा, क–कसको निस्कियो नाम ?

आइतवार सार्वजनिक विदा

Related posts