काठमाडौ । नेपाल इन्भेष्टमेन्ट बैंकले पहिलो ६ महिनामा एक अर्ब ६६ करोड रुपैयाँ नाफा गरेको छ। बैंकको खराब कर्जा बढेका कारण नाफा १५.६६ प्रतिशतले घटेको छ ।
बैंकको खुद ब्याज आम्दानी पनि साढे ७ प्रतिशतले घटेको छ। ब्याज आम्दानीको तुलनामा ब्याज खर्च बढेका कारण खुद ब्याज आम्दानी घटेको हो ।
पछिल्लो तीन महिनामा बैंकको निक्षेप १ अर्ब ३३ करोडले घट्दा ऋण भने २ अर्ब ५६ करोड रुपैयाँले बढेको छ। बैंक असार मसान्तदेखि पुस मसान्तसम्म ऋण विस्तार ९ अर्ब ६० करोड रुपैयाँले बढेको छ । निक्षेप भने बढ्न सकेको छैन ।
बैंकसँग अहिले कुल निक्षेप एक खर्ब ४९ अर्ब रुपैयाँ छ भने ऋण एक खर्ब ३२ अर्ब रुपैयाँ छ । बैंकको खराब ऋण २.०४ प्रतिशतबाट बढेर २.९ प्रतिशतमा उक्लिएको छ। आधार दर घटाउँदै बैंकले ८.९६ बाट ८.५३ प्रतिशतमा झारेको छ ।
वि.सं.२०७६ माघ २४ शुक्रवार १२:०८ मा प्रकाशित
