ग्लोबल आईएमई बैंकको नाफा ३७% वृद्धि : सवा अर्ब बढी लाभांश बाड्न सक्ने, यस्तो छ वित्तीय अवस्था

काठमाडौं । ग्लोबल आईएमई बैंकले चालु आर्थिक वर्षको दोस्रो त्रैमाशमा नाफा ३७ प्रतिशत बढाएको छ । पुससम्म बैंकले १ अर्ब ६८ करोड ५९ लाख रुपैयाँ खुदनाफा गरेको छ ।

गत वर्षको सोही अवधिमा बैंकले १ अर्ब २२ करोड ९३ लाख रुपैयाँ खुदनाफा गरेको थियो । जनता बैंकलाई मर्ज गराएपछि ग्लोबलको नाफा ४५ करोड ४५ करोड ६५ लाख रुपैयाँ बढेको छ ।

६ महिनामा गरेको नाफाबाट बैंकले सेयरधनीलाई १ अर्ब २० करोड ८५ लाख रुपैयाँ लाभांश बाड्न सक्ने छ । समीक्षा अवधिमा बैंकले ४१ करोड ३९ लाख रुपैयाँ पुरानो कर्जा असुली गरेको छ ।

बैंकको निष्क्रिय कर्जा १.२० प्रतिशत छ । ६ महिनामा बैंकले ३ अर्ब ५४ करोड ८६ लाख रुपैयाँ खुदब्याज आम्दानी गरेको छ । अघिल्लो वर्षको सोही अवधिमा २ अर्ब ३८ करोड १० लाख रुपैयाँ खुदब्याज आम्दानी गरेको थियो ।

प्रतिसेयर आम्दानी २२ रुपैयाँ ५३ पैसा छ । बैंकको निक्षेप लागत ६.७९, सीसीडी ७८.९८, आधारदर ९.६४ र स्प्रेड ५.३१ प्रतिशत छ । बैंकका सञ्चित कोषको आकार बढेर ७ अर्ब ४८ करोड ४१ लाख रुपैयाँ पुगेको छ ।

२०७६ माघ २६ गते ०८:१९ मा प्रकाशित

You can share this post!

पशुपतिमा एक अर्ब रुपैयाँको १४१ किलो सुनको जलहरी !

जनप्रतिनिधिको भ्रमण भत्ता, कर्मचारी तलब र महँगी भत्ता घटाउने, अब कति ?

Related posts