काठमाडौं । बुटवल पावर कम्पनी लिमिटेडले नगद लाभांश शेयरधनीहरुको बैंक खातामा आइतवारदेखि जम्मा गर्ने भएको छ ।
कम्पनीले उक्त लाभांश शेयरधनीले हितग्राही खातामा उपलब्ध गराएको बैंक खातामा जम्मा गर्ने भएको हो । कम्पनीको पुस २४ गते सम्पन्न २७औं वार्षिक साधारण सभाले १८ प्रतिशत नगद लाभांश वितरण गर्ने प्रस्ताव पारित गरेको थियो ।
हालसम्म पनि शेयर डिम्याट नगराएका शेयरधनीले आफूलाई पायक पर्ने निक्षेप सदस्यकोमा हितग्राही खाता खोलेर शेयर अभौतिकीकरण गराइ हितग्राही खातामा बैंक खाताको विवरण अद्यावधिक गराएपछि मात्र उक्त लाभांश जम्मा हुनेछ ।
साथै, बुक क्लोजको अघिल्लो दिनसम्म कम्पनीको शेयर धितो बन्धक राखी कर्जा लिएका शेयरधनीहरुले नगद लाभांश सम्बन्धित बैंक तथा वित्तीय संस्थाबाट नो अबजेक्सन लेटर प्राप्त भएपछि मात्र जम्मा हुनेछ ।
सो मिति पश्चात कर्जा चुक्ता गरेका शेयरधनीहरुको हकमा भने सम्बन्धित बैंक तथा वित्तीय संस्थाबाट प्राप्त फुकुवा पत्र एनएमबि क्यापिटलमा पेश गरेपछि मात्र उक्त लाभांश खातामा जम्मा हुने कम्पनीको सूचनामा उल्लेख छ ।
कम्पनीको शेयर रजिष्ट्रारमा एनएमबि क्यापिटल लिमिटेड रहेको छ ।
वि.सं.२०७६ माघ २६ आइतवार १०:३८ मा प्रकाशित
