काठमाडौं । सोमवार नेप्से कारोबार भएको पहिलो घण्टामा ४ दशमलव २३ अंकले घटेर १ हजार ३१५ दशमलव ७६ विन्दुमा पुगेको छ ।
१ हजार ३२० दशमलव ७७ विन्दुबाट शुरु भएको परिसूचक कारोबारकोे यस अवधिमा शून्य दशमलव ३२ प्रतिशत घटेको हो ।
यस अवधिसम्म कारोबारमा आएका १२ समूहको परिसूचकमध्ये व्यापार, उत्पादन तथा प्रशोधन र अन्य समूहको परिसूचक बाहेक बाँकी ९ समूहको परिसूचक घटेको छ ।
पहिलो घण्टाको कारोबारमा १४७ ओटा कम्पनीको रू. ११ करोड ९३ लाख बराबरको शेयर कारोबार भएको छ ।यस अवधिमा नेपाल लाइफ इन्स्योरेन्सको संस्थापक शेयरको सर्वाधिक कारोबार भएको छ ।
उक्त कम्पनीको रू. १ करोड ५ लाख बराबरको शेयर कारोबार भएको छ । सो समयमा कम्पनीको शेयर मूल्य रू. ५०० मा कारोबार भइरहेको छ ।
कारोबार रकमकै आधारमा दोस्रोमा नेपाल इन्स्योरेन्सको रू. ६० लाख ८४ हजार बराबरको शेयर कारोबार भएको छ । सो समयमा कम्पनीको शेयर मूल्य रू. ४२५ रहेको छ ।
वि.सं.२०७६ माघ २७ सोमवार १२:०६ मा प्रकाशित
