काठमाडौं । व्यवसायी एवं ग्लोबल आईएमई बैंकका अध्यक्ष चन्द्रप्रसाद ढकालले बैंकको तर्फबाट धुर्मुस–सुन्तली फाउन्डेसनलाई आर्थिक सहयोगको घोषणा गर्नुभएको छ ।
चितवनमा निर्माणाधीन गौतम बुद्ध अन्तराष्ट्रिय क्रिकेट रंगशालाका लागि व्यवसायी ढकालले एक करोड रुपैयाँ आर्थिक सहयोगको घोषणा गर्नुभएको हो ।
सोमवार अध्यक्ष ढकाल रंगशाला निर्माण स्थलमा जारी धनधान्याचल महोत्सवमा सहभागी भई उक्त रकम सहयोगको घोषणा गर्नुभएको हो । क्रिकेट रंगशाला निर्माणका लागि सहयोग गर्न पाउँदा आफू हर्षित भएको ढकालले बताउनुभयो ।
वि.सं.२०७६ माघ २७ सोमवार १९:४२ मा प्रकाशित
