काठमाडौं । स्ट्याण्डर्ड चाटर्ड बैंकले चालु आर्थिक वर्षको दोस्रो त्रैमाशमा नाफा बढाएको छ । पुससम्म बैंकले १ अर्ब २२ करोड ६९ लाख रुपैयाँ नाफा गरेको छ ।
अघिल्लो वर्षको सोही अवधिमा बैंकले १ अर्ब १४ करोड ५३ लाख रुपैयाँ नाफा गरेको थियो । गत वर्षको तुलनामा चालु आर्थिक वर्षमा बैंकले ८ करोड रुपैयाँ मात्र नाफा बढाएको छ । ६ महिनामा गरेको नाफाबाट बैंकले सेयरधनीलाई १ अर्ब ३ करोड रुपैयाँ लाभांश वितरण गर्न सक्ने छ ।
बैंकको ब्याज आम्दानी १ अर्ब ८३ करोड ७० लाख रुपैयाँ छ । गत वर्षको सोही अवधिमा ब्याज आम्दानी १ अर्ब ६५ करोड रुपैयाँ थियो ।
बैंकको प्रतिसेयर आम्दानी ३० रुपैयाँ ६३ पैसा छ । बैंकको निष्क्रिय कर्जा ०.१७, निक्षेप लागत ४.७७, सीसीडी ७८.५६, आधारदर ७.३३ र स्प्रेडदर ५.९३ प्रतिशत छ । बैंकको सञ्चित कोषमा ५ अर्ब ९९ करोड रुपैयाँ छ ।
वि.सं.२०७६ माघ २८ मंगलवार ०९:३३ मा प्रकाशित