काठमाडौं । सिभिल बैंकले आफ्नो १०७ औं शाखा बाराको जितपुरमा सञ्चालनमा ल्याएको छ । शाखाको नेपाल राष्ट्र बैंकका मुख्यप्रबन्धक राजन विक्रम थापा तथा जितपुर सिमरा उप–महानगरपालिकाका मेयर डा कृष्णप्रसाद पौडेलले उद्घाटन गरे ।
देशकै विकासोन्मुख सहरमध्येको एक प्रमुख सहर जितपुर सिमरामा शाखा उद्घाटन गर्दै सहभागीले देशको आर्थिक विकास बैंकहरुको सहभागिताबिना हुन नसकिने भएकाले सिभिल बैंकले जीतपुरमा शाखा बिस्तार हुँदा यस क्षेत्रको बित्तीय गतिविधिमा टेवा पुग्ने बताए ।
बैंकका प्रमुख कार्यकारी अधिकृत गोविन्द गुरुङले देशको औद्योगीकरण गरी वीरगन्जसँग नजिक जितपुरमा प्रशस्त औद्योगिक अवसर रहेको र आफूले बैंकका तर्फबाट यस क्षेत्रको अर्थ तन्त्र उकास्नका लागि सान्दर्भिक सेवा तथा सुविधा प्रदान गर्ने बताए ।
सोही अवसरमा उनले फकिरा गिरी राजेश्वर गिरी माध्यमिक विद्यालयका प्रधानाध्यापक राजुकुमार सिंहलाई विद्यालयको इ–लाइब्रेरीका लागि एक थान कम्प्युटर हस्तान्तरण पनि गरेको बैंकले जनाएको छ ।
वि.सं.२०७६ फागुन १ बिहीवार ०७:५१ मा प्रकाशित