काठमाडौं । नेपाल टेलिकमले चालू आवको दोस्रो त्रैमासिक वित्तीय विवरण सार्वजनिक गरेको छ । बिहीवार सार्वज्निक गरेको वित्तीय विवरण अनुसार कम्पनीले चालू आवको दोस्रो त्रैमासमा रू. ४ अर्ब ९३ करोड नाफा कमाएको छ ।
यो नाफा गत आवको यसै अवधिको तुलनामा रू. १ करोड ५५ लाख कम हो । कम्पनीको विक्री आम्दानी घटेसँगै नाफामा कमी आएको हो ।
गत आवको दोस्रो त्रैमासमा कम्पनीको विक्री आम्दानी रू. १८ अर्ब ४४ करोड रहेकोमा चालू आवको दोस्रो त्रैमासमा रू. १८ अर्ब ३ करोडमा सीमित भएको छ ।
चुक्तापूँजी रू. १५ अर्ब रहेको कम्पनीले जगेडा कोषमा रू. ७४ अर्ब ३६ करोड छुट्याएको छ । प्रतिशेयर आम्दानी रू. ६५ दशमलव ८६, मूल्य आम्दानी अनुपात ९ दशमलव ७९, तरलता अनुपात २ दशमलव ३४ र प्रतिशेयर नेटवर्थ रू. ५९५ दशमलव ७५ रहेको छ ।
वि.सं.२०७६ फागुन १ बिहीवार १४:४३ मा प्रकाशित
