काठमाडौं । आइतवार नेप्से कारोबार भएको पहिलो घण्टामा १ दशमलव ५४ अंकले बढेर १ हजार ३४६ दशमलव १३ विन्दुमा पुगेको छ ।
१ हजार ३४४ दशमलव ७३ विन्दुबाट शुरु भएको परिसूचक कारोबारकोे यस अवधिमा शून्य दशमलव ११ प्रतिशत बढेको हो ।
यस अवधिसम्म कारोबारमा आएका १२ समूहको परिसूचकमध्ये बैंकिङ, वित्त, उत्पादन तथा प्रशोधन र म्युचुअल फण्ड समूहको परिसूचक बाहेक बाँकी ८ समूहको परिसूचक बढ्दा समग्र नेप्से बढेको हो ।
आइतवार पहिलो घण्टाको कारोबारमा १४७ ओटा कम्पनीको २ हजार ९५१ पटकको कारोबारमा ५ लाख २८ हजार ४१६ कित्ताको रू.२८ करोड २३ लाख बराबरको शेयर कारोबार भएको छ ।
यस अवधिमा हिमालयन डिष्टिलरीको सर्वाधिक कारोबार भएको छ । उक्त कम्पनीको रू। ७ करोड ४३ लाख बराबरको शेयर कारोबार भएको छ । सो समयमा कम्पनीको शेयर मूल्य रू। १ हजार ३९० मा कारोबार भइरहेको छ ।
वि.सं.२०७६ फागुन ४ आइतवार १२:१० मा प्रकाशित