काठमाडौं । शेयर बजार ५.२४ अंकले बढेर नेप्से परिसूचक १ हजार ४०४ अंकमा पुगेको छ । यो साता नियमित रुपमा शेयर बजार उकालो लागेको छ । बुधबार १ अर्ब ६९ करोड ३९ लाख रुपैयाँ बराबरको ३४ लाख १३ हजार ९०६ कित्ता सेयर कारोबार भएको छ ।
बुधबार शिवम सिमेन्ट लिमिटेडको सबैभन्दा बढी सेयर कारोबार भएको छ । शिवमको प्रतिकित्ता ६३८ रुपैयाँमा १४ करोड ५४ लाख रुपैयाँको सेयर किनबेच भएको छ ।
यस्तै हिमालयन डिस्टलरी लिमिटेडको १ हजार ५५० रुपैयाँमा १२ करोड ४२ लाख रुपैयाँको सेयर किनबेच भएको छ । ग्रामिण विकास लघुवित्त वित्तीय संस्थाको ५२९ रुपैयाँमा ६ करोड ५६ लाख रुपैयाँको सेयर कारोबार भएको छ ।
बुधबार बैंकिङ, वित्त, बीमा र म्युचअल फण्डको परिसूृचक घटेको छ । व्यापार, विकास बैंक, होटल, जलविद्युत, लघुवित्तको सेयर मूल्य बढेको छ । सामुदायिक लघुवित्त, बोटलर्स नेपाल तराइ र कालिका लघुवित्तका लगानीकर्ताले कमाएका छन ।
वि.सं.२०७६ फागुन ७ बुधवार १५:२६ मा प्रकाशित