काठमाडौं । नेपालमा सुनको मुल्यले हरेक दिन रेकर्ड तोड्न थालेको छ । बुधबार रेकर्ड तोड्दै प्रतितोला ७७ हजार १ सयमा सुनको काराबार भएको थियो । तर, बिहिबार पुनः सुनको मुल्यले त्यो रेकर्डलाई पनि तोडेको छ ।
बिहिबार बजारमा छापावाला सुनको मुल्य ५ सय रुपैयाले बढेर तोलाको ७७ हजार ६ सयमा कारोबार भइरहेको नेपाल सुन चाँदी व्यवसायी महासंघले जनाएको छ । यो हालसम्मकै सबैभन्दा उच्च मूल्य हो ।
त्यस्तै, तेजावी सुनको मुल्य पनि तोलामा ५ सय रुपैयाँ बढेर ७७ हजार ३ सय पुगेको छ । बजारमा सुनको मुल्यसँगै चाँदीको मुल्य पनि बढेको छ । बिहिबार नेपाली बजारमा प्रति तोलामा १० रुपैयाँ बढेर ९ सय १५ रुपैयाँमा कारोबार भइरहेको छ ।
वि.सं.२०७६ फागुन ८ बिहीवार १४:१३ मा प्रकाशित
