स्थानीय तहबाटै ३९ हजार शिक्षक दरबन्दी सृजना गरिने

काठमाडौं । शिक्षा, विज्ञान तथा प्रविधिमन्त्री गिरिराजमणि पोखरेलले सामुदायिक विद्यालयमा अपुग शिक्षक दरबन्दी चैत्रभित्र व्यवस्था गरिने बताउनुभएको छ ।

जनविकास माध्यमिक विद्यालयको ४१ औँ वार्षिकोत्सव कार्यक्रममा उहाँले धेरै विद्यालय खुलेकाले ३९ हजार शिक्षक दरबन्दी अभाव रहेको बताउनुभएको हो ।

स्थानीय तहबाट अपुग दरबन्दी सिर्जना गरिने मन्त्री पोखरेलको भनाइ छ । उहाँले सामुदायिक विद्यालयलाई सरकारले बजेट मात्र दिएर राम्रो नहुने भन्दै आत्मनिर्भर बन्न निजी विद्यालयसँग प्रतिस्पर्धा गर्ने खालको शिक्षा दिनुपर्नेमा जोड दिनुभएको छ ।

सामुदायिक विद्यालयमा विद्यार्थी पढ्न आउन तयार रहेकोले त्यसका लागि व्यवस्थापन पक्षले वातावरण बनाउनुपर्नेमा उहाँले जोड दिनुभयो ।‘शिक्षकले नै आफ्ना बालबालिकालाई आफू पढाउने विद्यालयमा लिएर आउदैनन,’ उहाँले भन्नुभयो, ‘शिक्षकले आफ्ना बालबालिका विद्यालयमा ल्याएर पढाउने हो भने स्वतः विद्यालयको शिक्षा परिर्वतन हुन्छ ।’

मन्त्री पोखरेलले विद्यालय राम्रो बनाउने पहिलो जिम्मेवारी शिक्षकको रहेको बताउनुभयो । अब विद्यालयहरूलाई विकास, सीप र समृद्धिसँग जोड्नुपर्ने मन्त्री पोखरेलको अनुरोध छ ।

२०७६ फागुुण ११ गते ०५:४४ मा प्रकाशित

You can share this post!

बालुवाटारको एक्सन रुमबाट खुरुङ्गा खोला जलविद्युत आयोजना उद्घाटन

नेपालको बैङ्किङ क्षेत्र दक्षिण एशियामै उत्कृष्ट छ : अध्यक्ष दाहाल (अन्तर्वार्ता)

Related posts