काठमाडौं । आइतवार नेप्से परिसूचक कारोबार भएको दोस्रो घण्टामा ५९ दशमलव २१ अंक बढेर १ हजार ४९३ दशमलव ७९ को विन्दुमा पुगेको छ ।
गत हप्ता कारोबार रकममा नयाँ उचाई कायम गरेको दोस्रो बजारमा यस दिन उच्च अंकले बढेको छ । पछिल्लो समय बजार सुधारको बाटोतर्फ उन्मुख हुँदा लगानीकर्तामा बजारप्रति सकारात्मक धारणा विकास भएको सरोकारवालाहरुको बुझाइ छ ।
उच्च अंकले बढेको बजारमा सो समयसम्म भने साल्ट ट्रेडिङ, फस्र्ट माइक्रोफाइनान्स लगायत अन्य ३ कम्पनीको शेयरमूल्य उच्चले बढेर सकारात्मक सर्किट लागेको छ ।
कारोबार शुरु भएको पहिलो घण्टामा १ हजार ४७३ दशमलव ९२ विन्दुमा रहेको परिसूचक निरन्तर उकालो लाग्दा सो अंकले बढेको हो ।
कारोबारमा आएका १२ समूहकै परिसूचक बढ्दा दोस्रो घण्टासम्म समग्र परिसूचक ४ दशमलव १३ अंकले बढ्न पुगेको हो । सो समयसम्म बैंकिङ र व्यापार समूहमा लगानीकर्ताको आकर्षण रहेको देखिन्छ ।
व्यापार समूहको परिसूचक सर्वा्धिक ९ दशमलव २४ अंकले बढेको छ भने बैंकिङ समूहको परिसूचक ५ दशमलव ५९ प्रतिशत बढेको छ । कारोबारको सो समयसम्म एनएमबि बैंकको सर्वाधिक कारोबार भएको छ ।
बैंकको रू. ८ करोड ८६ लाख बराबरको शेयर किनबेच भएको छ । सो समयसम्म साल्ट ट्रेडिङ कम्पनीको शेयरमूल्य सर्वा्धिक ९ दशमलव ९७ प्रतिशत बढेको छ भने तारागाउँ रिजेन्सी होटलको शेयरमूल्य ३ दशमलव ८९ प्रतिशत घटेको छ ।
वि.सं.२०७६ फागुन ११ आइतवार १३:१० मा प्रकाशित
