काठमाडौं । सरकार गठन भएको दुई वर्षपछि प्रधानमन्त्री केपी ओलीले मन्त्रिमण्डल पुनर्गठन गर्ने गृहकार्य अगाडि बढाउनुभएको छ ।
दुई वर्षको अवधिमा पनि प्रतिबद्धताअनुसार काम गर्न नसक्ने मन्त्रीहरुलाई हटाएर नयाँ मन्त्री बनाउने विषयमा उहाँले परामर्थ अगाडि बढाउनुभएको हो ।
यसअघि गत मंसिर १५ मा प्रधानमन्त्री ओलीले ५ मन्त्रीलाई हटाएर नयाँ मन्त्री नियुक्त गर्नुभएको थियो । सरकारका कामलाई प्रभावकारी बनाउन उहाँले पछिल्लो चरणमा नियुक्त गरेका बाहेकका अन्य मन्त्री हेरफेर गर्ने गरी गृहकार्य अगाडि बढाइएको प्रधानमन्त्री निकट एक सचिवालय सदस्यले बताउनुभयो ।
उहाँका अनुसार यही फागुनभित्र नै मन्त्रिमण्डल विस्तार गर्ने खबर आजको नेपाल समाचारपत्रमा छ ।
वि.सं.२०७६ फागुन १२ सोमवार ०७:४७ मा प्रकाशित
