काठमाडौं । आइतबार उछाल आएको सेयर बजारमा सोमबार करेक्सन भएको छ । सोमबार बजार झण्डै २ अंकले घटेर नेप्से परिसूचक १ हजार ५०२ मा झरेको छ ।
बजार घटे पनि सोमबार ३ अर्ब ४१ करोड रुपैयाँ बराबरको ८३ लाख ४८ हजार २८३ कित्ता सेयर किनबेच भएको छ । लगानीकर्ता एनएमबी बैंकमा झुम्मिएका छन । एनएमबीको प्रतिकित्ता ४७४ रुपैयाँमा २० करोड ४३ लाख रुपैयाँको सेयर किनबेच भएको छ । यस्तै शिवम सिमेन्ट लिमिटेडको ६७७ रुपैयाँमा १३ करोड रुपैयाँको कारोबार भएको छ ।
यस्तै शिखर इन्स्योरेन्स कम्पनी लिमिटेडको १ हजार ३४० रुपैयाँमा १२ करोड २४ लाख रुपैयाँको सेयर कारोबार भएको छ । सोमबार बैंकिङ र उत्पादन मुलक परिसूचक मात्र बढेको छ । जलविद्युत, व्यापार, विकास बैंक, लघुवित्त र बीमा कम्पनीहरुको सेयर मूल्य घटेको छ । कालिका माइक्रोक्रेडिट, मन्जुश्री फाइनान्स र युनियन हाइड्रोपावरका लगानीकर्ताले कमाएका छन ।
आइतबार उछाल आउँदा सेयर बजार ६९.५६ अंकले बढेको थियो । आइतबार नेप्से परिसुचक बढेर १ हजार ५०४ अंकमा पुगेको थियो । २५ महिनापछि बजार यो अंकमा आइपुगेको हो । आइतबार ३ अर्ब ६० करोड ८५ लाख रुपैयाँ बराबरको ८७ लाख ६९ हजार ५२२ कित्ता सेयर किनबेच भएको थियो ।
वि.सं.२०७६ फागुन १२ सोमवार १५:१३ मा प्रकाशित
