काठमाडौं । बिहीवार नेप्से कारोबार भएको तेस्रो घण्टामा २३ दशमलव ६३ अंकले बढेर १ हजार ६१९ दशमलव ७६ विन्दुमा पुगेको छ । १ हजार ५९७ दशमलव २४ विन्दुबाट शुरु भएको परिसूचक कारोबारको यस अवधिमा १ दशमलव ४८ प्रतिशत बढेको हो ।
यस अवधिसम्म कारोबारमा आएका १२ समूहको परिसूचकमध्ये बैंकिङ, विकास बैंक र उत्पादन तथा प्रशोधन समूहको परिसूचक बढेको छ भने बाँकी ९ समूहको परिसूचक घटेको छ । तेस्रो घण्टाको कारोबारमा १७९ ओटा कम्पनीको रू. ३ अर्ब ३६ करोड बराबरको शेयर कारोबार भएको छ ।
यस अवधिमा नेपाल लाइफ इन्स्योरेन्सको सर्वाधिक कारोबार भएको छ । उक्त कम्पनीको रू. २३ करोड १९ लाख बराबरको शेयर कारोबार भएको छ । सो समयमा कम्पनीको शेयर मूल्य रू. १ हजार ४७१ मा कारोबार भइरहेको छ ।
कारोबार रकमकै आधारमा दोस्रोमा एनआईसी एशिया बैंकको रू. १५ करोड ५४ लाख बराबरको शेयर कारोबार भएको छ । सो समयमा बैंकको शेयर मूल्य रू. ६२५ रहेको छ ।
वि.सं.२०७६ फागुन १५ बिहीवार १४:११ मा प्रकाशित