काठमाडौं । साताको पहिलो कारोबारको दिन आइतवार नेप्से कारोबार भएको पहिलो घण्टामा ३ दशमलव ९१ अंकले घटेर १ हजार ६२८ दशमलव २६ विन्दुमा पुगेको छ । १ हजार ६३८ दशमलव ३७ विन्दुबाट शुरु भएको परिसूचक कारोबारकोे यस अवधिमा शून्य दशमलव २४ प्रतिशत घटेको हो ।
यस अवधिसम्म कारोबारमा आएका १२ समूहको परिसूचकमध्ये बैंकिङ र वित्त समूहको परिसूचक बढेको छ भने बाँकी १० समूहको परिसूचक घट्दा समग्र नेप्से घटेको हो ।
आइतवार पहिलो घण्टाको कारोबारमा १६५ ओटा कम्पनीको १० हजार ४६४ पटकको कारोबारमा ३४ लाख ६६ हजार २३० कित्ताको रू. १ अर्ब ४० करोड बराबरको शेयर कारोबार भएको छ ।
यस अवधिमा ग्लोबल आइएमई बैंकको सर्वाधिक कारोबार भएको छ । उक्त बैंकको रू. ११ करोड २९ लाख बराबरको शेयर कारोबार भएको छ । सो समयमा बैंकको शेयर मूल्य रू. ३१७ मा कारोबार भइरहेको छ ।
कारोबार रकमकै आधारमा दोस्रोमा एनआईसी एशिया बैंकको रू. ८ करोड ६ लाख बराबरको शेयर कारोबार भएको छ । सो समयमा बैंकको शेयर मूल्य रू. ६५६ रहेको छ ।
वि.सं.२०७६ फागुन १८ आइतवार १२:०५ मा प्रकाशित