काठमाडौं । वोमी लघुवित्त वित्तीय संस्थाको प्रस्तावित लाभांश राष्ट्र बैंकको निर्देशनमा परिमार्जन भएको छ । कम्पनीले २० प्रतिशत बोनस शेयर र कर प्रयोजनका लागि समेत गरी ६ प्रतिशत नगद लाभांशको प्रस्ताव गरेकोमा उक्त दर परिमार्जन गरेको छ ।
कम्पनीले लाभांश दर परिमार्जन गरी २५ प्रतिशत बोनस शेयर र कर प्रयोजनका लागि १ दशमलव ३२ प्रतिशत नगद लाभांश वितरण गर्ने प्रस्ताव गरेको हो ।
यस कम्पनीले २०७६ असार मसान्तसम्म कायम चुक्तापूँजी रू. १० करोड १० लाख ८८ हजारको आधारमा यो लाभांश दिन लागेको हो । हाल हकप्रद शेयर र साविकको नागरिक लघुवित्त वित्तीय संस्थासँग मर्जर पश्चात कम्पनीको चुक्तापूँजी रू. २५ करोड २५ लाख ७६ हजार कायम भएको छ ।
वि.सं.२०७६ फागुन १८ आइतवार १२:५४ मा प्रकाशित