काठमाडौं । नेपाल स्टक एक्सचेञ्च (नेप्से)मा चार कम्पनीको दुई करोड ६ लाख ३ हजार ९४६ दशमलव ०२ कित्ता बोनस शेयर सूचिकृत भएको छ ।
सोमबार नबिल, सिद्धार्थ बैंक, कञ्चन डेभलपमेन्ट बैंक र सबैको लघुवित्तको बोनस शेयर सूचिकृत भएको हो । नेप्सेमा नबिल बैंकको १ करोड ८ लाख ८६ हजार ५२० कित्ता, सिद्धार्थ बैंकको ९० लाख १ हजार ६२६ दशमलव ०२ कित्ता शेयर सूचिकृत भएको छ ।
यस्तै कञ्चन डेभलपमेन्ट बैंकको ५ लाख ३१ हजार ३०० कित्ता र सबैको लघुवित्तको २ लाख १४ हजार ५०० कित्ता बोनस शेयर सूचिकृत भएको नेप्सेले जनाएको छ ।
वि.सं.२०७६ फागुन १९ सोमवार १७:५३ मा प्रकाशित
