काठमाडौं । अर्थ, सञ्चार तथा सूचना प्रविधि मन्त्रीबाट राजीनामा दिएका डा. युवराज खतिवडा आज पुनः नियुक्ति हुुनुभएको छ । राष्ट्रिय सभाको दुई वर्षे पदावधी सकिएपछि मंगलबार राजीनामा दिएका खतिवडालाई पुनः सोही पदमा नियुक्त हुनुभएको हो ।
उहाँ गैह सांसदका रुपमा आज मन्त्री बन्न लाग्नुभएको हो । संविधानको धारा ७८ को उपधारा १ बमोजिम खतिवडा गैह्र सांसदका रुपमा मन्त्री बन्न लाग्नुभएको हो ।
त्यसका लागि आज दिउँसो ४ बजे राष्टपति भवन शित्तल निवासमा उहाँको सपथको तयारी सुरु भएको छ । उहाँ गैह्र सांसदबाट मन्त्री बन्ने पहिलो व्यक्ति बन्नुहुनेछ । ६ महिनाभित्र उहाँ संघीय संसद अन्तरगतको प्रतिनिधी सभा तथा राष्ट्रिय सभामध्ये कुनै एकमा सांसद नबने उहाँको पद स्वतः समाप्त हुने छ ।
संविधानको यही व्यवस्था अनुसार उहाँलाई मन्त्री पदमा नियुक्त गरिएको पत्र प्रधानमन्त्री केपी ओलीले आफ्नो मृगौला पूनः प्रत्यारोपण सुरु गुर्न अगाडि नै बुधबार बिहान राष्ट्रपति कार्यालयमा पठाइसकेको स्रोतको भनाइ छ ।
राष्ट्रिय सभाका दुई वर्षे कार्यकाल हिजो सकिएपछि उहाँले हिजो नै प्रधानमन्त्री केपी ओलीलाई अस्पतालमा भेटेर राजीनामा बुझाउनुभएको थियो ।
वि.सं.२०७६ फागुन २१ बुधवार १०:१३ मा प्रकाशित