काठमाडौं । बुधबार सेयर बजारको परिसूचक नेप्से ६८ अंकले झरेको छ। दिनभर उतारचढावका बाबजुत नेप्से अघिल्लो दिनको तुलनामा ४. ५४ प्रतिशतले घटेको हो।
कारोबार खुलेको २४ मिनेटपछि उकालो लागेको नेप्सेको ट्रेन्ड ११ः४१ बजेदेखि पुनः ओरालो लाग्यो। १ः २६ देखि बढ्न खोजेको नेप्से १२ मिनेट मात्रै टिक्यो। यस दिन २ अर्ब ९० करोड रुपैयाँको सेयर किनबेच भयो। १७४ कम्पनीको ६७ लाख ७१ हजार कित्ता सेयर किनबेच भयो।
यस दिन सबै समूहहरु घटेका छन्। बैंकिङ ६०, व्यापार २, होटल ८०, विकास बैंक ७२, जलविद्युत २९, फाइनान्स १४, निर्जीवन बीमा ४०६, उत्पादन ८८, अन्य २८, लघुवित्त १४८ तथा जीवन बीमा ४५६ अंकले घटेका छन्।
यस दिन कारोबारका आधारमा नेपाल लाइफ इन्स्योरेन्स अग्रस्थानमा रह्यो। सो कम्पनीको २६ करोड ६६ लाख रुपैयाँको सेयर किनबेच भयो। एनएमबि बैंकको १३ करोड ८९ लाख रुपैयाँको कारोबार भयो। हिमालय डिस्टिलरी तथा एनआइसी एसिया बैंकको पनि १३ करोडमाथिको कारोबार भयो।
सामुदायिक लघुवित्त र रिलायन्स फाइनान्सको मूल्य ५ प्रतिशतले बढ्यो। नेसनल माइक्रोफाइनान्स वित्तीय संस्था, नेपाल सेवा लघुवित्त वित्तीय संस्था, स्वदेशी लघुवित्त, कालिका माइक्रोक्रेडिट डेभलपमेन्टको मूल्य १० प्रतिशतले घट्यो।
वि.सं.२०७६ फागुन २१ बुधवार १५:२० मा प्रकाशित