काठमाडौं । बिहीवार नेप्से कारोबार भएको तेस्रो घण्टामा २ दशमलव ८४ अंकले घटेर १ हजार ४३८ दशमलव ३६ विन्दुमा पुगेको छ । १ हजार ४४२ दशमलव ९३ विन्दुबाट शुरु भएको परिसूचक कारोबारकोे यस अवधिमा शून्य दशमलव २० प्रतिशत घटेको हो ।
यस अवधिसम्म कारोबारमा आएका १२ समूहको :परिसूचकमध्ये बैंकिङ, व्यापार, होटल्स, जलविद्युत र म्युचल फण्ड समूहको परिसूचक घटेको छ भने बाँकी ७ समूहको परिसूचक बढेको छ ।
तेस्रो घण्टाको कारोबारमा १७४ ओटा कम्पनीको रू. १ अर्ब ९१ करोड बराबरको शेयर कारोबार भएको छ । यस अवधिमा नेपाल लाइफ इन्स्योरेन्सको सर्वाधिक कारोबार भएको छ ।
उक्त कम्पनीको रू. ३३ करोड ५१ लाख बराबरको शेयर कारोबार भएको छ । सो समयमा कम्पनीको शेयर मूल्य रू. १ हजार २५२ मा कारोबार भइरहेको छ ।
कारोबार रकमकै आधारमा दोस्रोमा एनएमबि बैंकको रू. १० करोड २५ लाख बराबरको शेयर कारोबार भएको छ । सो समयमा बैंकको शेयर मूल्य रू. ४५९ रहेको छ ।
वि.सं.२०७६ फागुन २२ बिहीवार १४:१२ मा प्रकाशित
