काठमाडौं । बिहीवार शेयर बजार मापक नेप्से ५.५० अंकले घटेर १४३५.७० अंकमा आएको छ । साताको अन्तिम कारोबार दिन २ अर्ब ४५ करोड ७० लाख ९३ हजार रुपैयाँ बराबरको सेयर कारोबार भएको छ ।
विहीवार ७ समूहको सूचक ओरालो लाग्न पुगेको छ भने ५ समूहको सूचक उकालो लाग्न पुगेको छ । विकास बैंक, फाइनान्स, अन्य, माइक्रोफाइनान्स र जीवन बिमा कम्पनी समूहको सूचक उकालो चढ्दा बाँकी समूहको सूचक ओरालो लागेको छ ।
बिहीवार नेपाल लाइफ इन्स्योरेन्सको सर्वाधिक शेयर कारोबार भएको छ । कम्पनीको ३ लाख ४ हजार ४८ कित्ता शेयरको खरीदविक्री हुँदा रू.३७ करोड ८७ लाख बराबरको शेयर कारोबार भएको छ ।
कारोबार रकमकै आधारमा दोस्रोमा एनएमबि बैंकको रू.१२ करोड ६५ लाख बराबरको शेयर कारोबार भएको छ । यस्तै, एनआईसी एशिया बैंकको रू. ९ करोड ६८ लाखभन्दा बढीको कारोबार भएको छ भने मन्जुश्री फाइनान्सको रू. ८ करोडभन्दा बढीको कारोबार भएको छ ।
यस दिन कारोबारमा आएका १७९ कम्पनीमा ७५ कम्पनीको शेयरमूल्य बढेको छ भने ८३ कम्पनीको घटेको छ । साथै २१ कम्पनीको शेयरमूल्य स्थिर रहेको छ ।
वि.सं.२०७६ फागुन २२ बिहीवार १५:२३ मा प्रकाशित