गम्भीर दुराचारको आरोपमा कांग्रेसका सात सांसद निलम्बित !

नयाँदिल्ली । भारतको लोकसभाबाट भारतीय राष्ट्रिय कांग्रेसका सातजना सांसदलाई निलम्बन गरिएको छ ।  उनीहरुलाई सभामुख ओम बिरलाले बिहीबार ’गम्भीर दुराचारको आरोप’ मा निलम्बन गरिएको हो ।

विपक्षी पार्टीका सांसदहरुले बिहीबारको संसदमा दिल्ली दंगाका विषयमा संसदमा विरोध गरेका थिए । निलम्बन हुनेमा गौरव गोगोई, टीएन प्राथापन, डियन कुरियाकोसी, आर उन्नीथान, मनिक्काम टयगोर, बेनी बेहनान र गुरजित सिंह अउजलालाई लोकसभाका सभामुखले निलम्बन गरेको भारतीय सञ्चारमाध्यम डीएनए इन्डियाले जनाएको छ । उनीहरुलाई लोकसभामा बजेट सेसनका क्रममा संसदमा उपस्थित नहुन निर्देशन दिइएको छ ।

विपक्षी दलका सांसदहरुले निरन्तर चार दिनदेखि दिल्ली हिंसाको कडा विरोध तथा नाराबाजी गरेका थिए । उनीहरुले लोकसभामा नाराबाजी गर्नुका साथै गृहमन्त्री अमित शाहको राजीनामा माग गर्दै प्लाकार्ड देखाएका थिए ।

विपक्षी दलका सांसदहरुले संसदमा दिल्ली हिंसाको विषयमा छलफलका लागि ’रुलिङ’ गर्न आग्रह गरेका थिए । तर, सरकारले भने होलीपछि मात्रै उक्त विषयमा छलफल गर्ने बताउँदै आएको थियो ।

सांसद निलम्बनको घटनाप्रति टिप्पणी गर्दै कांग्रेसका लोकसभाका नेता अधिर रञ्जनसिंह चौधरीले भने, “के यो तानाशाह हो ? यसको अर्थ सरकार ३म्भजिष्खष्यभिलअभ का विषयमा छलफल गर्न नचाहनु शंकास्पद छ ।“ भारतको नागरिकता संशोधन कानुनको विरोधका क्रममा भड्किएको दिल्ली हिंसामा ५० जनाको मृत्यु भएको थियो । डीएनए इन्डिया

२०७६ फागुुण २२ गते १७:०३ मा प्रकाशित

You can share this post!

बागमती प्रदेशको निर्णय : कोरोना संक्रमण न्युनिकरणका लागि हात नमिलाउने

एनआईसी एशिया क्यापिटल चौथो वर्षमा प्रवेश : सेवामा विशेष छुट योजना

Related posts