काठमाडौं । नेपाल प्रहरीका डिआइजी डा.राजीव सुब्बाले राजीनामा दिएका छन् । शुक्रबार उनले राजीनामा पत्र प्रहरी प्रधान कार्यालयलाई बुझाएका हुन् ।
उनी नेपाल प्रहरीका प्राविधिक तर्फका डिआइजी हुन् । १९ वर्षदेखि उनी प्रहरी सेवामा कार्यरत छन । चार वर्षदेखि उनी डिआइजी पदमा कार्यरत छन्। प्राविधिकतर्फ भने एआइजीको दरबन्दी छैन ।
आफूभन्दा जुनियर अधिकारी आइजी, एआइजी हुँदा पनि संगठनरगृह मन्त्रालयले प्राविधिकतर्फ एआइजीको दरबन्दी नबनाएको भन्दै उनले असन्तुष्ट व्यक्त गर्दै आएका थिए ।
हस्पिटलमा उनीभन्दा जुनियर आशा सिंह एआइजी भएकी छन् । उनको राजीनामा भने गृहमन्त्रालयले स्वीकृत गरेको छैन । नेपाल प्रहरीलाई प्रविधिमैत्री बनाउन उनको ठूलो योगदान छ ।
वि.सं.२०७६ फागुन २३ शुक्रवार १९:१४ मा प्रकाशित