पाँच वर्षभित्र ५० अर्बको बिजुली बेच्ने योजना

काठमाडौं । नेपाल विद्युत् प्राधिकरणले आगामी पाँच वर्ष्भित्र ४९ अर्ब ७२ करोड २० लाख रुपैयाँ बराबरको विद्युत् निर्यात गर्ने भएको छ । हाल झण्डै २० अर्ब बराबरको विद्युत् आयात भइरहेको बेला विद्युत् प्राधिकरणले यति धेरै विद्युत् निर्यात गर्ने गरी योजना बनाएको हो ।

विद्युत् प्राधिकरणले चालू आर्थिक वर्ष २०७६/७७ देखि २०८०/८१ सम्मका लागि बनाएको कर्पोरेट विकास योजनामा २०७७÷०७८ अर्थात् आगामी वर्षदेखि विद्युत् निर्यात गर्ने उल्लेख छ ।

चालू वर्षमा विद्युत् निर्यात नभए पनि २०७७/७८ मा १ अर्ब ६ करोड ३० लाख, २०७८/७९ मा ८ अर्ब १८ करोड ३० लाख, २०७९/८० मा १७ अर्ब ५३ करोड ८० लाख तथा २०८०÷८१ सालमा २२ अर्ब १३ करोड ८० लाख निर्यात गर्ने योजना प्राधिकरणको छ ।

पाँच वर्ष्भित्र प्रति व्यक्ति खपत ७ सय युनिट र्पुयाउने लक्ष्य राखेको प्राधिकरणले पाँच हजार मेगावाट वितरण गर्न सक्ने क्षमता र्पुयाउने योजना छ । आगामी वर्षदेखि विद्युत् खेर जाने भन्दै विद्युत् प्राधिकरणले विद्युत् निर्यातको योजना अघि बढे पनि कसरी निर्यात गर्ने भन्ने टुंगो लागेको छैन ।

विशेष गरी सरकारले भारत र बंगलादेशमा विद्युत् निर्यात गर्ने योजना बनाएको छ । भारत सरकारले अन्तरदेशीय विद्युत् व्यापार निर्दे्शिका निर्माण गरेपनि नेपाल लगायतले भने अझै यसबारे कुनै नीति बनाइसकेका छैनन् । यो खबर आजको कारोबार दैनिकमा भीम गौतमले लेखेका छन् ।

Share Now
२०७६ फागुुण २७ गते ०६:५५ मा प्रकाशित

You can share this post!

एसइईको प्रश्नपत्र आउट हुन नदिन थप सुरक्षा, ७६ जिल्लामा पुर्‍याइयो प्रश्नपत्र

बैंकिङ कसूरको आरोपमा २९ जनालाई सार्वजनिक सूचना

Related posts