काठमाडौं । प्राइम लाइफ इन्स्योरेन्सको फागुन २३ गते शुक्रबार बसेको सञ्चालक समितिको १३२ औं बैठकले गत आर्थिक वर्ष २०७४/७५ को मुनाफाबाट शेयरधनीहरुलाई लाभांश वितरण गर्ने प्रस्ताव गरेको छ।
इन्स्योरेन्सले आर्थिक वर्ष २०७४/७५ सम्मको मुनाफाबाट सोही आ.व.को लागि हाल कायम चुक्ता पूँजीको १२.५ प्रतिशत बोनस शेयर र बोनसमा लाग्ने कर प्रयोजनको नगद लाभांश समेत वितरण गर्ने प्रस्ताव गरेको हो।
इन्स्योरेन्सले २५ करोड ९ लाख ९२ हजार ४२२ रुपैयाँ बराबरको बोनस शेयर र १ करोड ३२ लाख १० हजार १२८ रुपैयाँ बराबरको नगद लाभांश वितरण गर्नेछ। प्रस्तावित लाभांश बीमा समितिको स्वीकृतिका साथै इन्स्योरेन्सको आगामी साधारणसभाले पारित गरेपछि शेयरधनीहरुलाई वितरण गरिनेछ ।
हाल २ अर्ब ७९ लाख रुपैयाँ चुक्ता पूँजी रहेको इन्स्योरेन्सको बोनस वितरणपश्चात पूँजी २ अर्ब २५ करोड रुपैयाँ पुग्नेछ।
वि.सं.२०७६ फागुन २७ मंगलवार १०:५९ मा प्रकाशित