काठमाडौं । प्रदेश र स्थानीय तहमा समायोजन भइसकेका कर्मचारीलाई संघले कानुन मिचेर सरुवा गरिरहेको छ । समायोजन टुंगिएको बर्ष दिन हुन लाग्दा पनि संघीय मामिला तथा सामान्य प्रशासन मन्त्रालयले प्रदेश स्थानीय तहका कर्मचारीलाई चलाइरहेको हो ।
प्रदेश र स्थानीय तहमा समायोजन भएका कर्मचारीलाई प्रदेश कानुनअनुसार मात्रै सरुवा गर्न पाइने व्यवस्था कर्मचारी समायोजन ऐन २०७५ मा छ ।
संविधानको धारा २७७ ले पनि गाउँपालिका र नगरपालिकाको कर्मचारी र कार्यालयसम्बन्धी व्यवस्था प्रदेश कानुन बमोजिम हुने भनेको छ ।संघीय मन्त्रालयले समायोजन भइसकेका मध्ये ३ हजार ४ सय ५६ कर्मचारीलाई सुरुमा समायोजन गरिएको स्थानभन्दा अन्यन्त्र खटाएको छ ।
‘समायोजन संशोधन’का नाममा नियमित सरुवाकै शैलीमा मन्त्रालयले यस्तो अभ्यास जारी राखेको छ । कान्तिपुर दैनिकबाट
वि.सं.२०७६ चैत २ आइतवार ०६:४१ मा प्रकाशित
