काठमाडौं । आइतवार नेप्से कारोबार भएको तेस्रोे घण्टामा ४८ दशमलव ३५ अंकले घटेर १ हजार ३२८ दशमलव ८३ विन्दुमा पुगेको छ । १ हजार ३६२ दशमलव २५ विन्दुबाट शुरु भएको परिसूचक कारोबारको तेस्रो घण्टामा ३ दशमलव ५१ प्रतिशत घटेको हो ।
यस अवधिसम्म कारोबारमा आएका १२ समूहको परिसूचकमध्ये सबै समूहको परिसूचक घट्दा समग्र नेप्से घटेको हो । तेस्रो घण्टाको कारोबारमा १७२ ओटा कम्पनीको रू. १ अर्ब ३८ करोड बराबरको शेयर कारोबार भएको छ ।
यस अवधिमा नेपाल लाइफ इन्स्योरेन्सको सर्वाधिक कारोबार भएको छ । उक्त कम्पनीको रू. १० करोड ३६ लाख बराबरको शेयर कारोबार भएको छ । सो समयमा कम्पनीको शेयर मूल्य रू. १ हजार १४० मा कारोबार भइरहेको छ ।
कारोबार रकमकै आधारमा दोस्रोमा एनएमबि बैंककोे रू. ७ करोड ३१ लाख बराबरको शेयर कारोबार भएको छ । सो समयमा बैंकको शेयर मूल्य रू. ४१७ रहेको छ ।
वि.सं.२०७६ चैत २ आइतवार १४:३० मा प्रकाशित