काठमडौं । एनआईसी एशिया बैंक लिमिटेडका ग्राहकले काठमाडौंस्थित हायात रिजेन्सी होटलका विभिन्न सेवाहरूमा १५ प्रतिशत छुट पाउने भएका छन् ।
सोमबार एनआइसी बैंक र होटलबीच यस्तो सम्झौता भएको हो । यो योजना एक वर्षको लागि लागू हुने सम्झौतामा उल्लेख छ । समझदारीपत्रमा बैंकको तर्फबाट सहायक प्रमुख कार्यकारी अधिकृत सन्तोष कुमार राठी तथा होटलको तर्फबाट महाप्रबन्धक राजेश रामदाले हस्ताक्षर गरे ।
बैंकको डेबिट तथा क्रेडिट कार्ड प्रयोगकर्ताले होटलको फूड, बेभरेज, स्पा तथा लाउण्ड्री सेवाहरू प्रयोग गरे वापत रकम भुक्तानी गर्दा छुट पाउनेछन् ।साथै यस बैंकका कर्मचारीहरूलाई पनि सो योजनाअनुसारको छुट दिइनेछ ।
यस बैंकले ३१९ शाखा कार्यालयहरु, ४५४ एटिएम, १०८ वटा एक्स्टेन्सन काउन्टर एवं ६० वटा शाखारहित बैंकिङमार्फत सेवा दिदैं आएको छ।
वि.सं.२०७६ चैत ३ सोमवार १६:२४ मा प्रकाशित
