काठमाडौं । साताको दोस्रो दिन सेयर बजारमा सामान्य वृद्धि भएको छ । सोमबार बजार ३.३५ अंक बढेर नेप्से परिसूचक १ हजार ३१६ अंकमा पुगेको छ । आइतबार बजार ६४ अंकले घटेको थियो ।
बजार बढे पनि कारोबार रकम आइतबारको भन्दा कम भएको छ । सोमबार १ अर्ब ६१ करोड ५३ लाख रुपैयाँ बराबरको ४१ लाख ९१ हजार ४१५ कित्ता सेयर किनबेच भएको छ । आइतबार २ अर्ब १० करोड रुपैयाँको सेयर किनबेच भएको थियो ।
सोमबार नेपाल लाइफ इन्स्योरेन्स कम्पनी लिमिटेडको सबैभन्दा बढी सेयर किनबेच भएको छ । नेपाल लाइफको प्रतिकित्ता १ हजार १०२ रुपैयाँमा १५ करोड ४० लाख रुपैयाँको सेयर किनबेच भएको छ ।
यस्तै एनआईसी एसिया बैंकको ५२२ मा १२ करोड ८१ लाख र एनएमबी बैंकको ४०८ रुपैयाँमा ९ करोड ६६ लाख रुपैयाँको सेयर किनबेच भएको छ ।
सोमबार होटल, उत्पादन र म्युचअल फण्ड समूहको सेयर मूल्य घटेको छ । बैंक तथा वित्तीय संस्था, जलविद्युत र बीमाको बढेको छ । सिभिल लघुवित्त वित्तीय संस्था, जनउत्थान सामुदायिक लघुवित्त र मितेरी डेभलपमेन्ट बैंकका लगानीकर्ताले कमाएका छन ।
वि.सं.२०७६ चैत ३ सोमवार १६:३२ मा प्रकाशित