काठमाडौं । एनआईसी एशिया लघुवित्त वित्तीय संस्था लिमिटेडलाई ४७ लाख ५५ हजार कित्ता आईपीओ विक्री गर्न नेपाल धितोपत्र बोर्डले स्वीकृति प्रदान गरेको छ ।
बोर्डले कम्पनीलाई रू. ४७ करोड ५५ लाख बराबरको आईपीओ विक्री गर्न फागुन ४ गते स्वीकृति प्रदान गरेको हो । लघुवित्त क्षेत्रकै सबैभन्दा बढी आईपीओ निष्कासनका लागि यस कम्पनीले बोर्डको स्वीकृति पाएको हो ।
केयर रेटिङ नेपालले यस कम्पनीको आईपीओलाई औषतभन्दा कम आधारको संकेत गर्ने आईपीओ ग्रेड ४ प्लसको रेटिङ प्रदान गरेको छ । कम्पनीको आईपीओ विक्री प्रबन्धकको जिम्मेवारी सानिमा क्यापिटलले पूरा गर्नेछ ।
हाल कम्पनीको चुक्ताूपूँजी रू. १ अर्ब ४५ लाख रहेको छ । चालू आर्थिक वर्षको दोस्रो त्रैमाससम्म कम्पनीले रू. ११ करोड १२ लाखभन्दा बढी नाफा गरेको छ । त्यस अवधिसम्म कम्पनीको जगेडा कोषमा रू. २१ करोड ८८ लाखभन्दा बढी रकम रहेको छ ।
वि.सं.२०७६ चैत ५ बुधवार ०९:४९ मा प्रकाशित
