काठमाडौं । कोरोना भाइरसको त्रासले काठमाडौं उपत्यका छाड्ने यात्रुको संख्या ह्वात्तै बढेको छ । बिहीबार मात्रै १ लाख ८ हजार ४५८ यात्रु उपत्यकाबाट बाहिरिएका छन् ।
महानगरीय ट्राफिक महाशाखाका अनुसार बिहीबार १ लाख बढी यात्रु बाहिरिँदा ८३ हजार १ सय ३९ जना काठमाडौं भित्रिएका छन् । तथ्याङ्क अनुसार बिहीबार १५ हजार १ सय ४० सवारी साधन काठमाडौं भित्रिएका छन् भने १५ हजार ५ सय ५४ बाहिरिएका छन् ।
सरकारले स्कुल, कलेज, विश्वविद्यालयमा समेत बिदा दिने निर्णय गरेकाले उपत्यका छाड्नेको संख्या बढेको बताइएको छ । बिदा भएकाले घर जानेको संख्या बढेको हो । घर जाने यात्रुको संख्या बढेपछि नयाँ बसपार्क लगायतका स्थानमा यात्रुको चाप बढेको छ ।
वि.सं.२०७६ चैत ७ शुक्रवार ११:३९ मा प्रकाशित
