डिजिटल बैंकिङ कारोबार निःशुल्क

काठमाडौं । आइतबारबाट डिजिटल कारोबार गर्दा शुल्क नलाग्ने भएको छ । शुक्रबार कामु गभर्नर चिन्तमणि शिवाकोटीको नेतृत्वमा बैंकर्स र राष्ट्र बैंकका अधिकारीहरू बीचको छलफलले डिजिटल कारोबारमा कुनै पनि शुल्क नलिने निर्णय गरेको हो ।

डिजिटल कारोबार निःशुल्क गर्दा बैंकको काउन्टरमा हुने भिडभाट कम हुने र त्यसले कोरोनाको संक्रमण फैलिनबाट रोक्न मद्दत पुग्ने भन्दै वाणिज्य बैंकहरूको छाता संगठन नेपाल बैंकर्स संघले यस्तो व्यवस्था मिलाएको हो ।

बैंकर्स संघले आइतबारबाट डिजिटल कारोबामा शुल्क नलिने निर्णय गर्र्दै कामु गभर्नरसँग भेटेको थियो ।  बैंकर्स संघले डिजिटल भुक्तानी तथा अन्तर बैंक एटीएम सेवालाई पनि निःशुल्क गर्ने निर्णय गरेको हो ।

ग्राहकलाई डिजिटल कारोबारमा प्रोत्साहन गर्न निःशुल्क सेवा प्रदान गर्ने निर्णय गरेको बैंकर्स संघले जनाएको छ । जसले गर्दा बैंकमा ग्राहकको भिड कम हुने र कोरोनाको जोखिम कम गर्न यस्तो निर्णय भएको बैंकर्स संघले जनाएको छ ।

अर्को सूचना जारी नभएसम्मका लागि सम्पूर्ण अनलाइन बैंकिङ कारोबार निःशुल्क गर्ने निर्णय भएको बैंकर्स संघका प्रमुख कार्यकारी अधिकृत अनिल शर्माले जानकारी दिए ।

२०७६ चैत्र ७ गते १३:१६ मा प्रकाशित

You can share this post!

पशुपतिनाथ लगायतका देशभरका मठ मन्दिर सुनसान

पशुपतिनाथ लगायतका देशभरका मठ मन्दिर सुनसान

Related posts