काठमाडौं । विश्वव्यापी रुपमा फैलिएको कोरोनाभाइरसका कारण चर्चित हास्य टेलिसिरियल ’सक्किगोनि’को प्रसारण स्थगित भएको छ ।
हास्य टेलिसिरियल सक्किगोनिका निर्देशक कुमार कटेल जिग्रीले सामाजिक सञ्जाल फेसबूकमा एक स्टाटस लेख्दै सक्किगोनिुको प्रसारण स्थगित भएको जानकारी गराएका हुन् । उनले लेखेका छन् ( ’बिश्वब्यापी कोरोना भाईरस(Covid-19)को संक्रमणलाई रोक्न सरकारले आह्वान गरेको“लक डाउन“को अनुरोधलाई आत्मसाथ गर्दै अर्को सुचना नआएसम्म हाम्रा नियमित कार्यक्रमहरु हाल लाई स्थगित गर्ने र आफू “सेल्फ क्यारेन्टाईन“ मा बस्ने निर्णय गरेका छौ ।
यसले गर्दा नियमित रुपमा प्रशारण भइरहेको हास्य टेलिफिल्म “सक्किगोनी“केही समय स्थगित हुने कुराको जानकारी गराउदछौ । यसबाट आदरणीय दर्शकहरुमा पर्न जाने असुबिधाप्रती क्षमाप्रार्थी छौ ।
आजको समयमा स्वास्थ नै हाम्रो प्रमुख प्राथमिकतामा रहेको हुँदा हाम्रा सम्पुर्ण आदरणीय दर्शकहरुलाई सुरक्षीत र सजग रहि धैर्यवान रहनुहुन अनुरोध गर्दै सु–स्वास्थ्यको कामना गर्दछौं ।परिस्थिति सामान्य हुनासाथ हामी पुनः नियमित भागहरु लिएर आउनेछौ। धन्यवाद’
वि.सं.२०७६ चैत ९ आइतवार १४:०० मा प्रकाशित
