कास्की । तनहुँको आबुखैरेनीस्थित ऐना पहराबाट मर्स्याङ्दी नदीमा यात्रुवाहक बस खसेको छ । बस खस्दा २ जनाको मृत्यु भएको पुष्टि भइसकेको छ ।
यस्तै, १२ जना घाइते भएको ट्राफिक प्रहरी चौकी आँबुखैरेनीका प्रमुख रामकृष्ण गौलीले जानकारी दिए । पोखराबाट नेपालगन्जका लागि छुटेको ना.५ख ४२९४ नम्बरको यात्रुवाहक बस नदीमा खसेको हो ।
बस सडकबाट झन्डै सय मिटर तल नदीमा खसेको जनाइएको छ । दुर्घटना भएको बसमा कति यात्रु सवार थिए भन्ने स्पष्ट नभएको बताइएको छ । दुर्घटनाको कारण खुल्न नसकेको प्रहरीले जनाएको छ ।
वि.सं.२०७६ चैत ९ आइतवार १९:२५ मा प्रकाशित