स्वास्थ्य सामग्री ल्याउने जिम्मा सेनालाई दिने निर्णय

काठमाडौं । सरकारले कोभिड–१९ सँग लड्न आवश्यक पर्ने स्वास्थ्य सामग्री तथा उपकरण ल्याउने जिम्मा नेपाली सेनालाई दिने निर्णय गरेको छ ।

यो निर्णय उपप्रधानमन्त्री नेतृत्वको उच्चस्तरीय समिति बैठकले मन्त्रिपरिषद्को चैत १६ गतेको निर्णयलाई आधार बनाउँदै गरेको हो । सरकारले निजी कम्पनी ओम्नीमार्फत चीनबाट ल्याएको स्वास्थ्य सामग्री खरिदमा अनियमितता भएको टिप्पणी आएपछि उक्त कम्पनीसँगको ठेक्का सम्झौता रद्द गरेको थियो ।

सरकारले कोभिड १९ रोकथाम, नियन्त्रण र उपचारका लागि आवश्यक औषधि, उपकरण तथा अन्य सामग्री रक्षा मन्त्रालयसँग समन्वय गरी नेपाली सेनामार्फत जी टु जी प्रक्रियाबाट खरिद गर्न स्वास्थ्य मन्त्रालयलाई पत्राचार गरिसकेको छ ।

सरकारका प्रवक्ता युवराज खतिवडाले स्वास्थ्य सामग्री आपूर्तिको जिम्मा नेपाली सेनालाई दिने निर्णय भएको जानकार दिनुभयो । यो समाचार आजको नागरिक दैनिकमा वसन्त खड्काले लेखेका छन् ।

२०७६ चैत्र २१ गते ०८:२४ मा प्रकाशित

You can share this post!

कोरोनाबाट विश्वमा मृत्यु हुनेको संख्या ५३ हजार नाघ्यो

कोरोनाबाट विश्वमा मृत्यु हुनेको संख्या ५३ हजार नाघ्यो

Related posts