काठमाडौं । स्वास्थ्य तथा जनसंख्या मन्त्रालयले कैलाली, कञ्चनपुर र बाग्लुङ जिल्लामा कोरोनाको तीव्र परीक्षणका लागि टोली खटाएको जनाएको छ ।
शनिबार बसेको मन्त्रिपरिषद् बैठकले तीन जिल्लामा कोरोना संक्रमित भेटिएपछि तीव्र परीक्षण गर्ने निर्णय गरेको थियो । मन्त्रिपरिषदको निर्णयअनुसार आइतबार बसेको राष्ट्रिय अनुसन्धान परिषद्, इपिडिमियोलोजी तथा रोग नियन्त्रण महाशाखा र राष्ट्रिय जनस्वास्थ्य प्रयोगशालाका विज्ञ टोलीको बैठकले आइतबार नै तीन वटा जिल्लामा खटाउने टोली बनाइ पठाएको मन्त्रालयले नियमित पत्रकार सम्मेलनमा जानकारी दिएको हो ।
वि.सं.२०७६ चैत २३ आइतवार १६:३८ मा प्रकाशित
