काठमाडौं । राष्ट्रपति भवन शीतल निवासमा आगामी १ बैशाखका लागि तय गरिएको विभूषण सुशोभन कार्यक्रम स्थगित भएको छ ।
कोरोना भाइरस (कोभिड—१९) का कारण सिर्जना भएको प्रतिकूल परिस्थितिका कारण पूर्वा्निर्धा्रित समारोह स्थगित गरिएको गृह मन्त्रालयद्वारा जारी विज्ञप्तीमा भनिएको छ ।
‘२०७७ साल वैशाख १ गते राष्ट्रपति कार्यालय शीतल निवासमा आयोजना हुने भनिएको विभूषण सुशोभन कार्यक्रम हाल विश्वभर महामारीको रुपमा फैलिइरहेको नोबल कोरोना भाइरस (कोभिड—१९) का कारण सिर्जित विषम परिस्थितिका कारण स्थगित गर्ने र पछि उपयुक्त समयमा गरिने छ’, गृहसचिव महेश्वर न्यौपानेद्वारा जारी विज्ञप्तीमा भनिएको छ ।
गृह मन्त्रालयअन्तर्गत रहेको विभूषण समितिबाट सिफारिस गरिएकाहरुलाई राष्ट्रपतिबाट विभूषण प्रदान गर्ने प्रचलन रहँदै आएको छ । गत असोजमा विभूषण प्रदान गरिने व्यक्तिको नामावलीलाई अन्तिम रुप दिइएको थियो ।
यस्तो छ विज्ञप्ति,
वि.सं.२०७६ चैत २३ आइतवार १८:१६ मा प्रकाशित
