back
NMB ad

लकडाउनका कारण शैक्षिक सत्र नबिग्रने

Kumari bank ad

काठमाडौँ। कोरोना भाइरस (कोभिड–१९) सङ्क्रमणका कारण मुलुकमा लकडाउन गरिएकाले शैक्षिक संस्था बन्द भए पनि विद्यार्थीको शैक्षिक सत्रमा कुनै प्रभाव नपर्ने गरी व्यवस्थापन गरिने भएको छ ।

बन्द भएको अवधिलाई गर्मी बिदा, जाडो बिदा, चाडपर्व बिदा तथा अन्य सार्वजनिक बिदासित मिलाएर भए पनि शैक्षिक सत्रमा कुनै असर पर्न नदिने योजना शिक्षा, विज्ञान तथा प्रविधि मन्त्रालयले बनाएको छ ।

शिक्षा, विज्ञान तथा प्रविधिमन्त्री गिरिराजमणि पोखरेलले वैशाख २ गतेबाट सुरु हुने नयाँ शैक्षिक सत्र निर्धारित समयमा सुरु हुन नसके पनि सरकारले विद्यार्थीको शैक्षिक सत्रमा कुनै असर नपार्ने जानकारी दिनुभयो । त्यसका लागि मन्त्रालयले आवश्यक गृहकार्य गरिरहेको उहाँको भनाइ छ ।

मन्त्री पोखरेलले विद्यार्थीको न्यूनतम सिकाइ सुनिश्चित गरिने उल्लेख गर्नुभयो । ठूलो समस्या आएकाले सामान्य ढङ्गले यसको निकास नआउने र फरक परिस्थितिबाटै यसको निकास निकाल्नुपर्ने उहाँको भनाइ छ । सङ्कटलाई हेरेर जोखिमको थप विश्लेषण गर्दै अगाडि बढिने पनि उहाँले जनाउनुभयो ।

परिस्थितिमा परीक्षा निर्भर

मन्त्री पोखरेलले कोरोना भाइरसको सङ्क्रमण हटेर जनजीवन सामान्य हुन थालेपछिको तीन सातामा विद्यार्थीको स्थगित परीक्षा गरिने बताउनुभयो । तयारीका लागि केही समय दिनुपर्ने मन्त्री पोखरेलको भनाइ छ । हाल सरकारले चैत ६ गतेबाट सुरु हुने गरी तय गरेको माध्यमिक शिक्षा परीक्षा ९एसईई० स्थगन गरेको छ भने वैशाखमा सञ्चालन गर्ने भनिएको कक्षा ११ र १२ को परीक्षा राष्ट्रिय परीक्षा बोर्डले रोकिसकेको छ ।

यो अवस्थामा परीक्षाको वातावरण बन्न र समाजमा विद्यमान त्रास हट्न केही समय लाग्ने मन्त्री पोखरेलको भनाइ छ । उहाँले कोरोनाको समस्यासित जुधेका चीनका केही सहरमा पनि शैक्षिक संस्था सञ्चालन हुन नसकेको सन्दर्भ स्पष्ट गर्दै नेपालमा पनि विद्यालय खुल्न र परीक्षा सञ्चालन हुन केही समय लाग्ने बताउनुभयो ।

मन्त्री पोखरेलले कोरोना भाइरस सङ्क्रमण समुदायस्तरमा पुग्ने अवस्थामा विद्यालयलाई क्वारेन्टाइनका रूपमा सञ्चालन गर्न थालिएको बताउँदै यसले गर्दा विद्यालयको नियमित कक्षा सञ्चालन र परीक्षाको वातावरण बन्न समय लिने अवस्था देखिएको उल्लेख गर्नुभयो ।

विद्युतीय माध्यमबाट पढाइने

यसैबीच शिक्षामन्त्री पोखरेलले लकडाउन कायम रहेको तथा विद्यालय लामो समयदेखि बन्द रहेको अवस्थामा विद्युतीय माध्यमबाट विद्यार्थीको सिकाइलाई निरन्तता दिइने योजना रहेको बताउनुभयो । अनलाइन माध्यमबाट विद्यार्थीको पठनपाठनलाई निरन्तरता दिन सकिन्छ कि भन्ने हिसाबले आफूहरू त्यसको गृहकार्यमा जुटेको जानकारी उहाँले दिनुभयो ।

विदेशका विद्यार्थीको समस्या समाधान गरिने

कोरोना भाइरस सङ्क्रमणका कारण अध्ययन भिसामा विभिन्न मुलुकमा पुगेका विद्यार्थीले समस्या पाएको जानकारीमा आएकाले आफूहरू यसको समाधानमा जुटेको जानकारी उहाँले दिनुभयो । अस्ट्रेलिया, न्युजिल्यान्ड, बङ्गलादेश, साइप्रसमा अध्ययनका लागि पुगेका तर एक वर्ष अवधि नपुगेका विद्यार्थीले आफूहरूलाई समस्या भएको जानकारी शिक्षा मन्त्रालयलाई गराएका छन् ।

यसका लागि ती देशका दूतावास, सरकार र नेपाली सङ्घसंस्थासित समन्वय गरेर कूटनीतिक पहलमा समस्याको समाधानका लागि पहल थालिएको उहाँले जानकारी दिनुभयो । साथै नेपालमा रहेका ती विद्यार्थीका अभिभावकसित समेत कुराकानी भइरहेको र नेपाल राष्ट्र बैङ्कमार्फत सजिलो तरिकाले पैसा पठाउने प्रबन्ध मिलाइएको मन्त्री पोखरेलले बताउनुभयो ।

नेपालमा रहेका विदेशीलाई समस्या परेको अवस्थामा आफूहरूले समस्या समाधान गरिदिने गरेको उल्लेख गर्दै मन्त्री पोखरेलले नेपाली विद्यार्थीको समस्या समाधानमा पनि सम्बद्ध मुलुकबाट पहलको अपेक्षा गरिएको बताउनुभयो । गोरखापत्र दैनिकमा समाचार छापिएको छ ।

वि.सं.२०७६ चैत २७ बिहीवार ०७:०७ मा प्रकाशित

You can share this post!

आईपीओ निष्काशन गर्दै सिद्धि हाइड्रो, बिक्री प्रबन्धकमा सिटिजन्स क्यापिटल

आईपीओ निष्काशन गर्दै सिद्धि हाइड्रो, बिक्री प्रबन्धकमा सिटिजन्स क्यापिटल

वि.सं.२०८० चैत १५ बिहीवार १६:२५

काठमाडौं । सिद्धि हाइड्रो कम्पनी लिमिटेडले आईपीओ निष्काशन गर्ने भएको...

राष्ट्रियसभाका उपाध्यक्ष अर्यालको राजीनामा   

राष्ट्रियसभाका उपाध्यक्ष अर्यालको राजीनामा   

वि.सं.२०८० चैत १५ बिहीवार १६:१७

काठमाडौँ, १५ चैत : राष्ट्रियसभाका उपाध्यक्ष उर्मिला अर्यालले पदबाट राजीनामा...

हिमालमा हेलिकप्टरले बचाउँदै पर्यटकको ज्यान   

हिमालमा हेलिकप्टरले बचाउँदै पर्यटकको ज्यान   

वि.सं.२०८० चैत १५ बिहीवार १६:००

सुवास दर्नाल सल्लेरी (सोलुखुम्बु), १५ चैत : गत आइतबार सगरमाथा...

नेप्सेमा एक कम्पनीको मूल्य समायोजन

नेप्सेमा एक कम्पनीको मूल्य समायोजन

वि.सं.२०८० चैत १५ बिहीवार १५:५४

काठमाडौं । नेपाल स्टक एक्सचेञ्ज (नेप्से)ले बिहीबार एक कम्पनीको मूल्य...

जिहो–नयाँ वर्ष २०८१, ‘वि स्मार्ट राइड स्मार्ट अफर’ सार्वजनिक

जिहो–नयाँ वर्ष २०८१, ‘वि स्मार्ट राइड स्मार्ट अफर’ सार्वजनिक

वि.सं.२०८० चैत १५ बिहीवार १५:४८

काठमाडौं । CFMOTO र  ZEEHO   ब्राण्डको नेपालका लागि आधिकारीक वितरक...

दुई कम्पनीको सेयरमा नकरात्मक सर्किट, प्रतिकित्ता कुनको कति घट्यो ?

दुई कम्पनीको सेयरमा नकरात्मक सर्किट, प्रतिकित्ता कुनको कति घट्यो ?

वि.सं.२०८० चैत १५ बिहीवार १५:२४

काठमाडौं । साताको अन्तिम कारोबार दिन सेयर बजारमा सुधार आएको...