चितवन । भाटभटेनी सुपर मार्केट एन्ड डिपार्टमेन्टल स्टोरले कोरोना रोकथाम तथा नियन्त्रण कोषका लागि वाग्मती प्रदेशलाई २५ लाखको चेक हस्तान्तरण गरेको छ ।
आज वाग्मती प्रदेशको हेटौंडास्थित मुख्यमन्त्रीको कार्यालयमा पुगेर सो चेक हस्तान्तरण गरिएको हो । भाटभटेनी सुपरमार्केट, चितवनकी प्रबन्धक जमुना गुरुङले वाग्मती प्रदेशका मुख्यमन्त्री डोरमणि पोख्रेललाई उक्त चेक हस्तान्तरण गरेकी हुन् ।
संस्थागत सामाजिक उत्तरदायित्व बहन अन्तर्गत उक्त सहयोग गरिएको सुपरमार्केटका सञ्चालक विनोद भट्टराईले जानकारी दिए । उनका अनुसार सातवटै प्रदेशमा सुपमार्केट प्रति प्रदेश २५ लाख हस्तान्तरण गरिएको उनले बताए ।
बुधबारबाट चेक हस्तान्तरण सुरु गरी बिहीबार बांँकी प्रदेशलाई चेक हस्तान्तरण गरिएको हो । यसअघि सुपरमार्केटले संघीय सरकारको राहतकोषमा १ करोड सहयोग गरिसकेको छ ।
वि.सं.२०७६ चैत २७ बिहीवार १३:३० मा प्रकाशित