काठमाडौँ । स्वास्थ्य तथा जनसंख्या मन्त्रालयले शनिवार साँझसम्म नयाँ कोरोना संक्रमित नभेटिएको बताएको छ । शनिवार अपरान्ह पत्रकार सम्मेलन गर्दै मन्त्रालयले नयाँ कोरोना संक्रमित बिरामी नभेटिएको बताएको हो ।
स्वास्थ्य मन्त्रालयका प्रवक्ता डाक्टर विकास देवकोटाका अनुसार शनिवार साँझसम्म गरिएका नमुना परीक्षणमा कुनै पनि नयाँ बिरामी नभेटिएको बताएका हुन् ।
हालसम्म ९ जनामा कोरोना संक्रमण भएको र एक जना निको भई घर फर्किसकेको मन्त्रालयले जनाएको छ । मन्त्रालयका अनुसार शनिवारसम्म देशभर ८२ जना व्यक्ति आइसोलेसनमा रहेका छन् । जसमध्ये १५ जना काठमाडौं उपत्यका ६७ जना उपत्यकाबाहिर रहेका छन् ।
हालसम्म ४ हजार ४ सय २६ जनाको नमुना परीक्षण गरिएको र त्यो मध्ये ३ हजार ३ सय ९२ जनाको राष्ट्रिय जनस्वास्थ्य प्रयोगशालामा नमुना परीक्षण गरिएको मन्त्रालयले जनाएको छ । बिगत २४ घण्टामा ८ सय ९७ जनाको नमुना संकलन गरिएको पनि मन्त्रालयले बताएको छ ।
मुलुकभर ८ हजार ८२ जना नागरिकहरु क्वारेन्टाइमा रहेको र उनीहरुको नमुना संकलनको काम भइरहेको पनि मन्त्रालयले जनाएको छ ।
क्वारेन्टाइनमा बसेका सबैको र्या्पिड टेष्ट हुने मन्त्रालयले जनाएको छ ।
त्यसैगरी ७७ वटै जिल्लामा ¥यापिड टेस्टका लागि उपकरण र स्वास्थ्यकर्मी पठाइएको र अधिकांश जिल्लामा र्या्पिड टेष्ट सुरु भइसकेको पनि मन्त्रालयले जनाएको छ ।
सुदूरपश्चिम प्रदेशका सबै जिल्लाहरुमा र्या्पिड टेष्टबाट परीक्षण सुरु भइसकेको मन्त्रालयका प्रवक्ता डाक्टर विकास देवकोटाले बताए ।
काठमाडौंमा वीर अस्पतालबाट कोरोना परीक्षण सुरु भइसकेको र आइतबारबाट टेकु अस्पतालमा पनि परीक्षण सुरु हुने मन्त्रालयले जनाएको छ ।
वि.सं.२०७६ चैत २९ शनिवार १६:५८ मा प्रकाशित
