संक्रमित महिलाको सम्पर्कमा रहेका ५२ जना क्वारेन्टाइनमा

टीकापुर । कैलालीको लम्की चुहा नगरपालिका भुरुवाकी कोरोना संक्रमित महिलाको सम्पर्कमा आएका ५२ जनालाई क्वारेन्टाइनमा राखिएको छ ।

लम्की बहुमुखी क्याम्पसको क्वारेन्टाइनमा ती महिलाका परिवारका १६ जनालाई क्वारेन्टाइनमा पुनः राखिएको हो । चैत्र २९ गते क्वारेन्टाइनबाट फर्किएपछि आफन्तका घरमा बसेकी ती महिलाका ३६ जनालाई समेत सोमबार नै क्वारेन्टाइनमा राखिएको छ ।

संक्रमित महिला क्वारेन्टाइनबाट घर फर्किएपछि कोरोना पोजेटिभ भएको रिपोर्ट आएको थियो । लम्की चुहा नगरपालिका वडा नं. १ अध्यक्ष जनकबहादुर बमले संक्रमित परिवारका १६ जना र ती महिलाको सम्पर्कमा रहेका ३६ जना गरी ५२ जनालाई क्वारेन्टाइनमा राखिएको बताए । उनका अनुसार ५२ जनालाई नै क्वारेन्टाइनमा १४ दिन राखिनेछ ।

लम्की बहुमुखी क्याम्पसको क्वारेन्टाइनमा बसेकी ५३ वर्षीय महिलालाई कोरोना संक्रमण रहेको सोमबार पुष्टि भएको थियो । यो सँगै लम्की चुहा नगरपालिकामा कोरोना पुष्टिको संख्या २ पुगेको छ ।

यसअघि लम्कीचुहा नगरपालिका वडा नं. ९ को सरस्वती माविको क्वारेन्टाइनमा राखिएका २१ वर्षीय एक युवकमा कोरोना पोजेटिभ देखिएको थियो । दुवैको सेती प्रादेशिक अस्पताल धनगढीमा उपचार भइरहेको छ ।

२०७७ वैशाख २ गते ०८:१४ मा प्रकाशित

You can share this post!

मन्त्रिपरिषदको बैठक बस्दै : लकडाउन अवधि दुई हप्तासम्म लम्ब्याउनेबारे निर्णय लिने !

मन्त्रिपरिषदको बैठक बस्दै : लकडाउन अवधि दुई हप्तासम्म लम्ब्याउनेबारे निर्णय लिने !

Related posts